Telefonoa
Ordutegia
Astelehenetik ostiralera:
9:00etatik 14:00etara

Zer gertatzen da emakumeek ez badute zaintzen, ez kontsumitzen, ez lan egiten, ezta parte hartzen ere?

Hausnarketa horrexek eraginda, iaz mugimendu feministak emakumeen nazioarteko greba-deialdi bat egitea erabaki zuen, non eta 70 herrialdetan baino gehiagotan; aurten, 2018an, “Emakumeok planto. Nosotras paramos” leloaren pean errepikatuko da. Grebaren xedea da emakumeen lanak gure gizartean duen inpaktua ikusaraztea eta lan hori aintzat har dadila eskatzea.

Gure gizartearen ongizatea ezinezkoa litzateke bizitzari eusteko ezinbesteko jarduerak egingo ez balira, hala nola, pertsonak zaindu (haurrak, adinekoak, mendekoak...) edo etxeko lanak egin. Lan horietako gehienek ez dute ordainsaririk, eta batez ere emakumeek egiten dituzte. Emakumeen ekarpenik gabe, gizartea geratu egingo litzateke.

Emakumeen lanaren zatirik handiena ez da ikusten eta ez da kontabilizatzen. Horrek esan nahi du etxeetan ekoitzitako ondasunen eta aberastasunaren balioa gutxietsi egiten dela, nagusiki emakumeek egiten dituzten zeregin hauen orduak eta ekarpen ekonomikoa ukatu eta ikusezin bihurtzen direla, eta zeregin horiek zaintza, osasun, giza eta babes arloari egiten dioten aurrezpen sozial handia ere ikusezin bihurtzen dela.

Lan-merkatuaren barruan eta kanpoan eskainitako orduak kontuan izanez gero, emakumeek gure gizarteko lanaren %56 egiten dute, baina baita ordainsaririk gabeko lanaren %74 ere. Gainera, feminizatutako lan asko, batez ere emakumeek egiten dituzten lan asko, enplegu prekarizatukoak dira edo lan-merkatuko ezkutuko ekonomiakoak. Sektore horretan, gainera, migratutako emakume ugari enplegatzen dira, eta beroriek jatorrizko inguruneetan beren haurrak beste emakume batzuen zaintzapean utzi behar izan dituzte; hala, zaintza-kate globalak sortzen dira.

Eta egiten dituzten zereginez harantzagoko kontua da; izan ere, emakumeek zaintzan eta etxeko lanetan igarotzen duten denboraren ondorioz, gizonek denbora gehiago dute beren karrera profesionala eta lan-munduko karrera garatzeko, edo aisiako edozein jarduera sozial egiteko, emakumeek jarduera horietan sartzeko zailtasunak izan arren.

Denboraren erabilera desberdin hau traba handia da berdintasuna lortzeko, eta gizon eta emakumeei buruzko estereotipoak betikotzeaz gain, generoaren ondoriozko erantzukizunak uztartzeko egiturazko oztopo ere bada, besteak beste.

Horregatik guztiagatik, ezinbestekoa da gizarteak aitortzea zaintza-lana ezinbestekoa dela bizitzaren iraunkortasunerako; zaintzen inguruko jendarte mailako antolakuntza berri bat babestu beharra dago zeregin hori beste modu batera hornitzeko, gizonen erantzunkidetasuna sustatu beharra dago, gizartea antolatzeko modu honen ondorioz erabakimen- eta botere-guneetan emakumeen talentuaren galera dagoela ikusarazi behar da, antolakuntza- eta enpresa-kultura berdintasunarekin lerrokatu behar dira, eta bizitza pertsonalaren eta laneko bizitzaren kontziliazioa sustatuko duten zerbitzu publikoak indartu behar dira.

Egoera honetaz OHARTZEN DENEZ, Aiarako Udalak honako ekintzak gauzatzeko konpromisoa hartu du, denak Aiarako Kuadrillako Berdintasun Planean jasota daudenak 2018ko plangintzan:

  • Sentsibilizazio eta trebakuntza-programak garatuko dituela, zaintzan eta etxeko lanetan gizonen erantzunkidetasuna sustatzeko eta erabakitzeko guneak emakumeekin partekatzeko.
  • Bere eskumenen alorrean lagunduko duela zaintza babesteko baliabideak eta zerbitzu publikoak garatu eta finkatu daitezen, eta zaintzen arloan erantzunkidetasun sozialerako komunitateko estrategien artikulazioa sustatu dadin.
  • Udaleko politikak genero-ikuspegiarekin garatuko dituela.
  • Balioen transmisioa azpimarratuko duela, berdintasunezko gizartea lortzeko kultura-aldaketak susta daitezen.


Azkenik, Aiarako Udalak bat egingo du martxoaren 8a Emakumeen Nazioarteko Eguna dela-eta antolatu eta deituko diren ekitaldi eta ekintzekin, eta dei egiten die herritarrei era aktiboan parte hartzera mugimendu feministak Aiaraldean antolatutako Emakumeok planto kanpainan, bat eginez emakumeen nazioarteko grebarekin, 70 herrialde baino gehiagotan konbokatu dena.

Hurrengo link honetan Amurrio Bidean agentziak martxan jarritako heziketa eskaintzaren inguruko informazioa eskura duzue

Otsailaren 26tik martxoaren 4ra bitarteko heziketa eskaintza

Aiarako Udalak ere keinu egin gura izan dio Emakumeen Nazioarteko Egunari eta zenbait hitzordu antolatu ditu egun horren inguruko aldarrikapenak kalera atera eta benetazko berdintasuna eta emakume guztion eskubideak behingoagatik egia bihur daitezen eskatzeko.

Zuk ere parte hartu nahi baldin baduzu, botaiozu begirada bat antolatuko egitarauari:

Martxoak 8 Aiaran

Aiarako Udalak, Aiara Berdintasunaren Alde Foroarekin batera, martxoak 8 ospatzeko eta aldarrikatzeko jarduera antolatu du, hain zuzen ere, Aiarako emakumeak bistaratu eta aitortzeko jarduera.

Hala, nahi duenak hurbileko emakume garrantzitsua zein den azaldu dezake, argazkia eta zergatia jarriz.

Argazkia eta testua idazteko plantilla weborrialdean dago eta helbide elektronikoz, edo whatsappez bidali edo Udaletxeko bulegoetan entregatu daiteke martxoaren 6a baino lehen.

Jasotako lan guztiak ikusgai egongo dira martxoaren 8an Emakumeen Gelan, 18:00etatik eta 20:00ak arte (Arespalditzan)

Informazio gehiago edo lanak bidaltzeko plantila :

Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. 

 686587889

Animatu eta parte hartu!

Aiarako Udaleko Gizarte Ongizate sailak txangoa antolatuko du martxoaren 22an pertsona nagusiek Balmasedaz goza dezaten. 

Egun horretarako antolatutako egitaraua honako hau izango da:

11.00 Balmasedako Historioaren Museoko bisita
12.00 Boinas La Encartada Museoko bisita gidatua
14:30 Bazkaria
16.30 Balmaseda ezagutzeko bisita gidatua edo denbora librea
18:30 Itzulera

Bertan parte hartu nahi duten guztiek, honako informazio hau zehazki irakurri beharko dute:

- 16 euro ordaindu behar dira Aiarako udaletxean. Prezioan garraioa, sarrerak eta bazkaria sartzen dira.
- Aiaran erroldatutakoak lehentasuna edukiko dute. Plaza Kopuru Mugatua.
- Behin izena emanda, ez da ireteeraren zenbatekoa itzuliko.


Izena emateko epea: martxoaren 16ra arte

AUTOBUS ZERBITZUA
09:00 Luiaondo Social
09:10 Luiaondo Agirre
09:20  Markijana Murga biribilgunea
09:30 Arespalditza
09:40 Menararai
09:50 Llanteno (Satia)

"Hiurgarren Adinekoen Elkartegiak ekimenaren barruan, Arabako Foru Aldundiak "Patrimonios artísticos de Portugal y Salamanca" deituriko txango multzoa antolatuko du.

Portugal zein Salamancako ondare balioa eta balio artisitikoa pertsona nagusiei ezagutzera ematea helburu duen ekimena hiru txandatan banatuta dago:

  • Lehen txanda, maiatzaren 13tik 19ra bitartekoa,Gasteizko Hirugarren Adinekoen Elkartegietako ikasleei zuzenduta dago
  • Bigarrena, maiatzaren 20tik 26ra bitartean, hau ere Gasteizko Hirugarren Adinekoen Elkartegietako ikasleentzat 
  • Eta hirugarren txanda bat, ekainaren 27tik ekainaren 2ra bitartean, Gasteiz eta Errioxako Hirugarren Adinekoen Elkartegietako ikasleentzat.

Txanda guztietan, bertan parte hartzen duten pertsonek honako leku hauek bisitatuko dituzte, bertako ondarea ezagutze aldera: Lisboa, Mafra, Óbidos, Sintra, Cascaís, Estoril, Alcobaça, Batlha, Ciudad Rodrigo eta Salamanca.

Hurrengo esteka honetan, izen emate prozesuari eta ordainketa epeei buruzko informazio osoa eskura dezakezue (gaztelaniaz bakarrik) 

Ondare bisita Hirugarren Adinekoen Elkartegiak

2018 urte honetan jaietako egitarauan parte hartuko duen portada Aiarako herritar guztion esku dago.

Zuk ere kartel irabazlea hautatuko duen lehiaketan parte hartu nahi baduzu, adi hurrengo honetan zehazten diren oinarriei eta gogoan izan lanak aurkezteko azken eguna aurtengo martxoaren 23a izango dela.

Helduen kategoriako irabazleari 200 euroko txekea emango zaio eta haurren kategoriakoari 50 eurotan baloratutako eskola-materiala. Parte ahal izango dute adin guztietako emakume eta gizonak.

Lehiaketako oinarriak

 

Parekotasunean eta berdintasunean hazi eta hezitzeko beharraren mezua herritarren artean zabaltzeko asmoz, Arespalditzako udal aretoak "Futbolariak eta printzesak" deituriko haurrentzako antzezlana hartuko du datorren igandean, otsailak 25, arratsaldeko 17:00etatik aurrera.

Antzezlana bukatutakoan, arratsaldeko 18:00ak aldera, askaria eskainiko zaie bertara hurbildutako haur eta gaztetxoei, eta bukatu eta berehala, arratsaldeko 18:30ak inguru, eskulan tailerrari paso emango zaio.

Aiarako Udalak, Arabako Foru Aldundiak, 24 euskara elkarteak eta Eusko Jaurlaritzako Kultura Sailak antolatutako hitzordua duzue hau. 

Sarrera libre eta doakoa.

Helbidea
Elexalde auzoa, 3
01476 · Arespalditza
Telefonoa
Ordutegia
Astelehenetik ostiralera:
9:00 etatik 14:00 etara
Faxa
+34 945 39 93 31