Aiarako bizilagunek NANa edo pasaportea berritu edo eman ahal izango dute Aiaran.

Asteazkenean, 2026ko uztailaren 8an, 9:00 eta 13:24 bitartean, Dokumentazio Ibilgailu Integrala (VIDOC) egongo da, Polizia Nazionalaren bulego mugikor bat, Arespalditzako udaletxearen ondoan.

Ibilgailu ibiltari honen helburua da komisariarik ez duten herrietan bizi diren pertsonei tramite hauek erraztea, horrela hiriburuetara joan beharra saihestuz. VIDOC

—erabat hornitutako eta egokitua dagoen furgoneta     bat—     bulego     finko     batek eskaintzen dituen zerbitzu berak eskaintzen ditu,  ordainketa modu  bakarrarekin: dirutan.

Hitzorduak eta kudeaketa: 

Hitzorduak aldez aurretik eskatu behar dira, bide hauetakoren bat erabiliz:

• Aurrez aurre, Arespalditzako bulegoetan, 09:00etatik 14:00etara, edo Luiaondoko bulegoan, astelehenean, 09:00etatik 12:00etara, eta asteazkenetan, 12:00etatik 15:00etara.
• Telefonoz: 945 39 90 13

Izena emateko epea: 2026ko uztailaren 3ra arte, ostirala.

Plazak mugatuak dira. Gomendagarria da ahalik eta azkarren hitzordua eskatzea.

Beharrezko dokumentazioa:

Bulego mugikorrera hurbiltzen direnek egin beharreko tramitearen arabera (berritzea edo espedizioa) dagokion dokumentazioa eraman beharko dute. Baldintzei buruzko informazio zehatza dokumentazio erantsian kontsultatu daiteke.

Espedienteko dokumentuen ordainketa DIRUTAN BAKARRIK egingo da (EZ dira onartzen banku-txartelak):

• NAN: 12,00 €
• PASAPORTEA: 30,00 €

Interesdunak argazki bat eraman beharko du, atzeko plano zurixka edo argia duena, non aurpegiaren ezaugarri fisiko guztiak ondo  ikusten  diren, inolako  elementuk ez baitu aurpegia estali edo desitxuratzen.

AIARAKO UDAL-IGERILEKUAK 2026

Erabiltzaileen abonamendu kuoten eta egun baterako sarreren taula.

Oharrak: 

• Bizikidetza unitatetzat hartuko da etxebizitza berean modu ohikoan eta iraunkorrean bizi diren pertsonen taldea. Familia unitatea familiaren errolda orriaren bidez egiaztatu behar da.
• Familia abonamendua familia liburuaren bidez egiaztatuko da.
• Familia ugariaren abonamendua familia liburuaren bidez egiaztatuko da.
• Ulertzen da urteak ekitaldiaren barruan betetzen direla (urtarrilaren 1etik abenduaren 31ra).
• Adina NANaren bidez egiaztatuko da, eta 14 urtetik beherakoek familia liburuaren fotokopia bidez egiaztatuko dute, NANa izan ezean.

Aditzera ematen da apirilaren 29an ALHAOn argitaratu dela 2026. urtean kultur, kirol eta gizarte arloko dirulaguntzak emateko laguntzen deialdia.

Eskabideak aurkezteko epea hilabetekoa da, argitaratzen denetik kontatzen hasita; beraz, epea 2026ko maiatzaren 29an amaituko da (egun hori barne).

Oinarriak eta bete beharreko eranskinak kontsultatu daitezke.

Interesdunek udal bulegoetan aurkeztu ahal izango dute eskabidea, egoitza elektronikoaren bidez (ziurtagiri digitala) edo ezarritako gainerako bitartekoen bidez.

Zaborren tasan hobariak aplikatzeari buruz joan den hilean argitaratutakoari dagokionez, beharrezkotzat jotzen da honako zehaztapen hauek egitea:

Indarrean dagoen Ordenantzaren e) puntua bakarrik aplikatuko da 2026ko tasan, elikagai-soberakinak emateko hitzarmena duten sortzaile handiei buruzkoa.

Aurreikusitako gainerako hobarien kasuan, a), b), c) eta d) idatz-zatietan daudenak  (etxeko eta/edo komunitateko konpostajeari, sarbide-kontrola duten edukiontzien erabilerari eta atez ateko biohondakinak biltzeko sistemetan sortzaile handien parte-hartzeari buruzkoak), hobaria 2027an aplikatuko da, praktika horiek 2026an egin direla egiaztatu ondoren.

Hori dela eta, 2026an hobaria jaso dezaketen aukera horietakoren bat praktikatzen jarraituko duten edo horri atxikitzea aurreikusita duten familiei edo jarduerei jakinarazten zaie datozen asteetan inprimakiak eskuragarri egongo direla udal-bulegoetan eta udalaren webgunean, eskaera egiteko. Indarrean dagoen ordenantzan ezartzen den bezala, hobari-eskaerak berariazkoa izan beharko du, hala badagokio, eta 2027ko otsailaren 25a baino lehen egin beharko da. Inprimakiak eskuragarri daudenean 2026an zehar eskabideak aurkeztera animatzen da, arlo teknikoak horretarako behar den informazio egiaztagarria garaiz eta behar bezala izan dezan.

Azken egunotan, Etxaurrengo atletismo pistaren barruko lerroa margotu da, distantzia horrelako instalazioetako ohiko 400 metroetara egokitzen dela ziurtatzeko.

Hobekuntza horri esker, erabiltzaile guztiek egindako distantziaren ziurtasunarekin egin ahal izango dituzte entrenamenduak, eta, horri esker, saioak optimizatu ahal izango dituzte.

Helmuga, pista alde batetik beste gurutzatzen duen marra bakarra, aulkiak dauden zuzengunearen amaieran dago. Gainera, 100 metrotik behin zeharkako marra txikiak margotu dira, dagozkien partzialak adierazteko. Horiekin batera, marka horietako bakoitzetik helmugako marra nagusira arte egiten den distantzia zehatza adierazten da.

Jarduera honekin, instalazio oso erabilia neurketa zehatzagoz hornitzen da, bertan entrenatzen duten kirolari guztien onurarako. Herritar guztiak animatzen ditugu pista erabiltzen jarraitzera.

Ekimen hau Oinkariak Amurrio Atletismo Klubak sustatu du eta Aiarako Udalak gauzatu du.

UDAL IKASTAROETAN ONARTUTAKO PERTSONEN ZERRENDA 2025-2026