-
Hasiera
- Albisteak
Aiara 2030 Planaren definizioan egindako lanaren ondorioz, Aiarako Udalak udalerrian bizi diren pertsonen mugikortasuna diagnostikatzeko lanei ekin die. Asmoa da zerbitzuei buruzko informazioa indartzea, eta, horretarako, material eroso eta eguneragarriak sortzea. Material horiek markesinetan eta horretarako prestatutako gainerako informazio-euskarrietan instalatuko dira laster, eta, bestalde, partaidetza-prozesu garrantzitsua egingo da, gaur egun ase gabe dauden joan-etorrien beharrak bereziki ezagutzeko. Horretarako, parte hartzera gonbidatzen dira herritarrak, paperean edo modu telematikoan inkesta erantzutera: https://encuestas.ingartek.com/index.php/871433?lang=eu
Bi kasuetan inkestak aurkezteko epea ekainaren 9an amaituko da.
Paperezko inkestaren kasuan, Arespalditzako zein Luiaondoko edozein udal-bulegotan entregatu ahal izango da, bai eta horretarako prestatutako postontzietan ere. Hona hemen postontziak:
- Luiaondo: Otueta Gizarte Etxea eta Malatoko karteldegiaren ondoan jarritako postontzia.
- Izoria: elizaren ondoko karteldegiaren ondoan jarritako postontzia.
- Kostera: Ibaizabaleko bidegurutzeko karteldegiaren ondoan jarritako postontzia.
- Kexaontzia: bolatokitik gertu dagoen karteldegiaren ondoan jarritako postontzia
Parte hartzen duten pertsonen artean, interesa adierazten diguten guztietan, 10 BARIK txartelen zozketan parte hartuko dute, bakoitzak 5 euroko saldoarekin.
Animatu eta lagundu iezaguzu mugikortasun-eredu iraunkorrago baterantz egiten.
Ezagutzen duzu betiON zerbitzua?
Bideo honetan ikus dezakezu zertan datzan zerbitzua. Kontsultarik edo zalantzarik izanez gero, jarri harremanetan zure Udaleko Oinarrizko Gizarte Zerbitzuarekin.
Telefonoa: 945399013-683114555
Aiarako Kuadrillak LANBIDEn argitaratutako lan-eskaintzak Aiarako Udalarentzat, 2022/2023 Eskualdeko Enplegu Planaren esparruan:
-
Udal brigadari laguntzeko peoia (162022013707)
https://apps.lanbide.euskadi.net/apps/OF_DETALLE_OFERTA_TRABAJO?LG=C&ML=OFEMEN1&MS=Eaaa&IDRG=162022013707&CTRG=1&TEXT=ayala&ORGN=LG%3DC%7CML%3DOFEMEN1%7CMS%3DEaa%7CPM6%3Dayala
-
Administrari laguntzailea (162022013712)
https://apps.lanbide.euskadi.net/apps/OF_DETALLE_OFERTA_TRABAJO?LG=C&ML=OFEMEN1&MS=Eaaa&IDRG=162022013712&CTRG=1&TEXT=ayala&ORGN=LG%3DC%7CML%3DOFEMEN1%7CMS%3DEaa%7CPM6%3Dayala
Martxoaren 10ean herritarrekin saio parte-hartzailea eraman zen aurrera eta bertan
Aiarako erronkak eta beharrak identifikatu ziren, gero Planean txertatuko direnak.
Martxoaren 10eko saio parte-hartzaileaz gain, azken aste hauetan, Udaleko ordezkari politikoekin eta Administrazio Batzarretako ordezkariekin ere egin dira lan-saioak, datozen urteetan udalerriarentzat atzematen diren lan-ildo eta asmo nagusiak, erronkak eta lehentasunak biltzeko.
Oraindik zure ekarpena egin dezakezu!
Martxotik darama inkestak zabalik eta Apirilaren 11-rarte zuk ere parte hartu dezakezu! Martxoko Saraube aldizkarian atera zen paperean eta bertako orrialdea moztu eta betez
parte hartu dezakezu. Gainera badago aukera digitalki ere egiteko, ondorengo esteka sakatuta: https://forms.gle/REtxhymrBwrg3RncA
Inkestan parte hartzen duzuenon artean eskualdeko produktuez osaturiko saski bat zozketatuko du Udalak.
Zure ekarpenak beharrezkoak dira etorkizuneko Aiara nolakoa izango den definitzen laguntzeko!
Animatu parte-hartzera!
11.495 euroko inbertsioa duen proiektu garrantzitsu horri esker, 2007ko azken irisgarritasun-plana berritu ahal izango da, eraikin eta/edo zentro publikoek dituzten behar guztiekin.
Aiarako Udalak udalerriko Irisgarritasun Plana, 23 Administrazio Batzarrak barne, eguneratu du, 11.495 euroko idazketa-proiektuaren esleipenari esker. Irisgarritasunaren arloko aurrerapenak eta beharrak jasotzen zituen azken dokumentua 2007koa da, eta ordutik ez da Plan honen antzeko inbentario edo erregistro berririk egin, arlo horretako beharrak jasotzen dituena. Tresna honi esker, oztopo arkitektonikoak kentzeko jarduera-ildo nagusiak eman ahal izango zaizkio udalerriari, bai eta jarduketa berriak guztiontzako diseinuaren irizpidearen arabera egiteko jarraibideak ere.
Proiektu honek Eusko Jaurlaritzaren laguntza izan du.
MARTXOAREN 10EAN HERRITARREKIN SAIO PARTE-HARTZAILEA EGINGO DA AIARA 2030 PROIEKTUAREN BAITAN.
Zeintzuk dira etorkizuneko Aiara imajinatzen duzunean zure lehentasunak, kezkak eta interesak? Etorri eta jarri zure aletxoa, Martxoaren 10ean, 18:30etan, Luiaondoko ludotekan.
Joan den azaroan, Aiarako Udalak «Aiara 2030. Etorkizuna eraiki dezagun» proiektua jarri zuen abian, 2030 Agendarekin eta Garapen Iraunkorreko Helburuekin konprometituz. Prozesu honen helburua datozen urteetako udal-politika gidatuko duen Tokiko 2030 Agendaren Ekintza Plana zehaztea da.
Horretarako, bilerak antolatu dira udalerriko funtsezko eragileekin, eta horien artean zu zeu, Aiarako herritarra. Datorren martxoaren 10ean, 18:30etan, Luiaondoko ludotekan egingo den herritarren parte-hartze saiora gonbidatzen zaitugu, etorkizuneko Aiarako zure lehentasunak, kezkak eta interesak zeintzuk diren konta diezaguzun.
Animatu parte-hartzera!
