Ongi etorri Aiarako udalaren web gunera. Orri hauen bitartez, Aiarako Lurraren iragana eta egungo egoera erakusteaz gain, Aiarako historia bizi eta aberatsaren zati bat ezagutuko duzu.

Aiarako paisaia berdea da, eta 24 herri sakabanatuk osatzen dute; horrexegatik da berezia Aiara, Araba eta Euskadi osoko geografian. Administrazio araubide berezia du, herriak monumentuz beterik daude eta paisaia oso berezia da. Hori guztia erretinan finkatu eta ahaztezin bihurtzen da. Horregatik, Aiarara datozenek berriz itzuliko direlako sentsazioa izaten dute.

Aiara ezagutu dezazun nahi dut, bai orri hauen bitartez, bai leku eder hauetara etorriz, bertako jende apala, esker onekoa eta tradizio zaleak ezagutzeko.

Ongi Etorri Aiarara. Gentza Alamillo Udaeta - Aiarako Alkatea

E-posta: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.