BESTE PROZEDURA BATZUK

10.01.- EZKONTZA ZIBILAK EGITEA

GAIA

EDUKIAK

Zer da?

Zertan datza?

Aiarako udaletxeko erabilera anitzeko aretoan ezkontza zibilaren ekitaldia egiteko eskaera da. Ekitaldi horretan, zeremoniaburua alkatea edo hark eskuordetutako zinegotzia da.

Nork eska dezake?

Edonork, baldin eta ezkontideetako bat Aiaran bizi bada eta bertan erroldatuta badago.

Aurkeztu beharreko agiriak

Honako hauek aurkeztu beharko dira:

-        "0.01 Eskaera orokorra" agiria. Dokumentu horretan jasoko dira ezkontideen datuak eta ezkontza zibila egiteko eguna eta ordua. Bidezkoa bada, agirian jaso beharko da, era berean, ospakizuna zein zinegotzik egitea nahi den.

-       Ezkontza gauzatu baino bost egun lehenago gutxienez, lekuko izango diren bi pertsona adinez nagusiren NANak aurkeztu beharko dira (jatorrizkoak edo haien kopiak).

-       "0.02 Ordezkaritza-idatzia" inprimakia, eskaera interesdunak berak aurkezten ez badu. Ordezkariak bere jatorrizko identifikazio-agiria eta interesdunaren jatorrizko identifikazio-agiria edo kopia bat aurkeztu beharko ditu.

Non izapidetzen da?

- Aurrez aurre:

Udal-bulegoak: Herritarrentzako Arreta Zerbitzua:

Eliza auzoa 3 - Arespalditza.

Ordutegia: astelehenetik ostiralera, 09:00etatik 14:00etara.

Luiaondoko arreta-bulegoa:

Dorre kalea 27, etxabea - Luiaondo.

Ordutegia: Astelehenetan, 09:00etatik 12:00etara.   --   Asteazkenetan, 12:00etatik 15:00etara.

- Telematikoki: EGOITZA ELEKTRONIKOA, ziurtagiri digitalaren bitartez.

Betebehar ekonomikoak

-        Doakoa

Zein da prozesuaren edo ebazpenaren epea?

-       Aurreikusitako epea: hamabost egun.

Eskaera jaso ondoren bete beharreko prozedura

-        Eskaera eta aurkeztutako agiriak jasotzea.

-       Eskaera erregistratzea eta interesdunari agiriaren kopia zigilatua ematea, aurkezpen-eguna jarrita.

-        Erabilera anitzeko aretoa eskatutako egunerako eta ordurako libre dagoen egiaztatzea.

Ondorengo izapideen laburpena

-        Eskaera Alkatetzara bidaltzea, alkateak edo dagokion zinegotziak aretoa aukeratutako egunean libre dagoela berrets dezan.

-        Ezkontideei horren berri ematea.

-        Bidezkoa bada, alkateak dagokion zinegotziari eskuordetza emateko dekretua egitea eta ALHAOn argitaratzea.

-        Ezkontza-akta egitea, eskaeran eta Epaitegitik igorritako espedientean jasotako datuekin.

-        Ekitaldia egin ondoren, espedientea Erregistro Zibilera igortzea.

Oharrak

Aldez aurretik, eta beharrezkoa den aurrerapenarekin –gutxi gorabehera 3 hilabete–, ezkontideek dagokion espedientea izapidetu behar dute Aiarako Erregistro Zibilean:

Aiarako Udaleko udal-bulegoak.

Eliza auzoa 3 - Arespalditza.

Ordutegia: Astearteetan, 09:00etatik 14:00etara.

-        Aiarako Erregistro Zibilak jakinarazpen bat igorriko dio Aiarako Udalari. Agiri horretan, ezkontideen datuak, ezkontza-eguna eta gainerako datuak jasoko dira.

-        Eskatzaileek lagatako lokala eta/edo instalazioa era egokian erabiltzeko konpromisoa hartuko dute; izan ere, instalazio hori egoera bikainean geratu beharko da zeremonia bukatu eta gero.

Agiri osagarriak

-       "0.01 Eskabide orokorra" inprimakia

-       "0.02 Ordezkaritza-idatzia" inprimakia

Onespena

-       Alkatetza

Unitate arduraduna

-        Idazkaritza.

Indarraldia

-          Dagokion arloko legedia aldatu arte.

Lege-esparrua

-          Kode Zibila (III. titulua)

-          35/1994 Legea, abenduaren 23koa, alkateek ezkontza zibila baimentzearen arloan Kode Zibila aldatzen duena. (1994-12-24ko BOE, 307. zk.).

-          1995eko urtarrilaren 26ko Erregistroen eta Notariotzaren Zuzendaritza Nagusiaren Instrukzioa, alkateek ezkontza zibilak baimentzeari buruzkoa. (1995-02-10eko BOE, 35. zk.).