AZKEN PLAZAK BETETZEKO BIGARREN INSKRIPZIO-EPEA IREKI DA!

Aiarako Udalak udalekua antolatu du 2019ko ekainaren 25etik 28ra Donostiako Ondarreta aterpetxean (24 plaza gehienez).

 Izena emateko 1. epea maiatzaren 17an itxi da eta bertan 17 ume apuntatu dira guztira (erroldatuak + ez erroldatuak), horiek guztiek plaza ziurtaturik dute.

Hutsik dauden plazak betetzeko, 2. Inskripzio-epea ireki da maiatzaren 29ra arte.

Programa hau 2005-2012 urteen artean (biak barne) jaiotako umeei zuzenduta dago. Aiara Udalerrian erroldatutako parte-hartzaileek lehentasuna izango dute, eta plazak inskripzio-hurrenkeraren arabera gordeko dira. Halaber, pertsona arduradunak Udalarekin dituen zerga-obligazio guztiak ordainduta izan beharko ditu.

Aiara Udalerrian ez erroldatuak izanik, 2. epean apuntatzen direnak, hasiera batean erreserbako zerrendan inskribatuak izango dira. Maiatzaren 30ean, 2. epean izena emandako guztiei deituko zaie, plazarik baduten ala ez informatzeko, eta plaza dutenen kasuan, onartzen duten ala ez jakiteko.

2. Inskripzio epea: maiatzaren 29ra arte (barne)

Prezioak:

- Aiaran erroldatuak: 100,00 € umeko

- Ez erroldatuak: 120,00 € umeko

Udalak, 2. epean inskribatu eta plaza konfirmatu zaien guztiei, matrikularen kopuru osoa kobratuko die ekainaren 6tik 7ra, izena emateko orrian jarritako kontuzenbakitik.

Behin kobratuta, ez da dirua itzuliko, salbu eta behar bezala justifikaturiko ezohiko arrazoiren

batek udalekura joatea eragotziko balu.

Izena emateko modua

1.- Bete www.aiarakoudala.eus helbidetik jaitsi ahalko duzun inskrip.-orria: edo eskatu Udaletxean (945 39 90 13) edo Luiaondoko bulegoan (ordut.:astelehenetan 09,00 etatik 12,00etara, eta asteazkenetan 12,00etatik 15,00etara).

2.- Bete ondoren, bidali Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. emailera, edo entregatu Udaletxean edo Luiaondoko bulegoan, umearen osasun-txartelaren kopiarekin batera.

Maiatzaren 17a LGTBIQ+fobiaren aurkako Eguna dela eta, Aiarako Udalak dibertsitate afektibo eta sexuala zein genero identitate anitzak ospatzen dituen udalerria aldarrikatu nahi du, LGTBIQ+ kolektiboari egindako erasoak zigorrik gabe uzten ez diren udalerria. LGTBIQ+fobiak ez du soilik pertsonen askatasuna arriskuan jartzen, baita gizarte osoaren ongizatea ere.

Era berean, Aiarako Udalak bere gain hartzen du sexualitate, genero eta desio anitzak ikusarazteko konpromisoa, eta LGTBIQ+ taldekoen kontrako diskriminazioari, estigmatizatzeari eta bortizkeriari aurre egitekoa, berdintasun eta aniztasun politika publikoaren bidez.

Aiaran, LGTBIQ+fobiarik ez!

Aske maite, aske bizi!

Aiara Berdintasunaren Alde Foroaren adierazpena, Ferialetik Aiarako emakumeek egindako sare morea desagertu izana salatzeko.

Pasa den apirilaren 19an, gauez, Aiarako emakumeek egindako sarea morea desagertu zen Ferialetik. Sarea martxoaren 8an jarri zen bertan, greba feministaren barruan eta Aiarako hainbat emakumek parte hartu zuten  egiten eta jartzen.

Sarea desagertzea kezkatzekoa eta salatzekoa dela iruditzen zaigu eta, horrexegatik, honako adierazpena  egin nahi dugu:

• Aiara Berdintasunaren Alde Foroak salatu nahi du emakumeek egindako sare morea Ferialetik desagertzea, emakumeek aurkako erasoa izan delako, salatu beharrekoa.
• Aiara Berdintasunaren Alde foroak adierazi nahi du jarraitu egingo duela berdintasunaren eta emakumeen eskubideen alde lanean. Lan horren adibide izan da Ferialean jarritako sare morea, greba feministaren inguruan, emakumeen arteko saretzea gauzatu duelako, emakume desberdinen arteko batasuna eta elkarlana. Sarea kendu dutenek isolatuta eta ahul nahi gaituzte, gu hobeto kontrolatzeko, baina lanean jarraituko dugu, gure arteko konplizitateak josten, gogortzeko eta gure buruaren jabe izaten.
• Dei egin nahi diegu Aiarako emakumeei berriro ere sare morea jartzera etortzeko. San Isidro Egunean, eguerdiko 13:00etan, Ferialean, Aiarako emakumeen sarelana irudikatzen duen sare morea berriro ere bertan jartzeko.

Arespalditzan, 2019ko maiatzaren 10ean

Jendaurrean jartzen da 2019ko maiatzaren 1etik ekainaren 15era arteko egun baliodunetan, biak barne, honako kontzeptuari dagozkion ordainagiriak borondateko epean ordaintzeko jarriko direla:

- Ibilgailuen gaineko udal zerga.

ORDAINTZEKO TOKIA ETA MODUA:

A)   Banketxeetan helbideraturiko ordainketak: aurreko urteotan ordainketa helbideratuta izan dutenek ez dute inolako kudeaketarik egin beharko baldin eta helbideratze-kontua mantentzen badute. Udalak ordainketa tramitatuko du.

B) Helbideraturik ez dauden ordainketak:.

                Kutxabank: Kutxazainetan, txartelarekin edo libretarekin.Urruneko bandkaren bidez. Bulegoko leihatilan (ordutegiaren arabera).

                Nire ordainketa on-line: Eusko Jaurlaritzaren ordainketa-pasabidea.

               Udaletxeko Bulegoetan, txartelarekin.

Adierazitako epean ordaintzen ez duten zergapekoek % 20ko gainkargua izango dute eta premiamendu bidez kobratzeko prozedura hasiko da.

Hau guztia jendaurrean jartzen da, orok jakin dezan.

Arabako Foru Aldundiak adostu berri du, merkataritza hobetzeko inbertsioak egiteko laguntza lerroaren 2019ko ekitaldirako deialdia.

• ERAKUNDE ONURADUNAK: Erakunde onuradunak izan daitezke honako hauek:

1. Langile autonomoak, baldin gehienez ere 8 enplegatu badituzte.
2. Sozietate zibilak edo ondasun erkidegoak, gehienez ere 9 autonomoz osatuak.
3. Merkataritza sozietateak, baldin enpresan dituzten partaidetzak autonomoen araubide berezian kotizatzen duten gehienez ere 9 langileri badagozkie. 

• BETEBEHARRAK: Erakunde onuradunek gutxienez salmenta puntu bat eta/edo zerbitzu fisikoak eduki behar dituzte Arabako udalerrietako merkataritzarako etxabeetan; eta txikizkako merkataritzaren eta zerbitzu pertsonalen sektorekoak izan beharko dira.

• EPEA: Eskaerak aurkezteko 30 egun naturaleko epea egongo da, deialdia ALHAOn argitaratu eta hurrengo egunetik aurrera.

Informazio gehiagorako dekretua erantsita:  Link